ତୋ ହାତରୁ ରେଖାଟିଏ ନେବି ମନା କରିବୁନି
ମୋ ହାତରେ ମିଶେଇ ଦେଖିବି ମନା କରିବୁନି
ତୁ ଚାନ୍ଦିର ତାରିଖଟେ ମୋ ଗଲା ଜନମର
ତୋ ମୁହଁକୁ ଆଉଁସି ଦେଖିବି ମନା କରିବୁନି
ତୁ ହୀରାର ରେଖାଟେ ମୋ ଶୂନ୍ୟ କପାଳରେ
ଦୁନିଆଁ ଠୁ ଲୁଚେଇ ରଖିବି ମନା କରିବୁନି
ତୁ ଦିଗଖୋଜା ଝରଣାଟେ ପାହାଡ଼ ବୁକୁରେ
ମୁଁ ଝରିବାକୁ ଛାତିଦେବି ମନା କରିବୁନି
ତୁ କାନରେ ବାଜୁଥିବା ଅଶିଣି ଶ୍ଲୋକଟିଏ
ତତେ ଦିନ ରାତି ଶୁଣୁଥିବି ମନା କରିବୁନି
ତୋ ସିନ୍ଥିର ଝରା ମତେ ନକରିଲେ ନାହିଁ
ତୋ ପାଦର ଘୁଙ୍ଗୁରଟେ ହେବି ମନା କରିବୁନି
© ତୃପ୍ତି ରଞ୍ଜନ ଦାସ